DOA

DOA
TENGADA

Senin, 27 September 2010

CONTOH SURAT LAMARAN: CPNS, PERUSAHAAN, CV

Contoh Surat Lamaran CPNS
Jakarta, 4 November 2008
Kepada yth :
Bapak/Ibu Menteri Keuangan
Up. Kepala Badan Kepegawaian
Departemen Keuangan
di -
Jakarta
Saya yang bertanda tangan di bawah ini,
Nama : ……..
Tempat, tanggal lahir : ………………
Usia pada tanggal 01/01/2008 : XX Tahun, XX bulan
Jenis kelamin : XX
Agama : XX
Pendidikan/Jurusan : S-1 XXXXX
Alamat : XXXXXXXXXXXXXX
XXXXXXXXXXX
Nomor telepon/HP : 08123456789
Dengan ini menyampaikan permohonan kepada Bapak/Ibu, agar kiranya dapat diangkat menjadi Calon Pegawai Negeri Sipil di lingkungan Departemen Keuangan, dengan jabatan ……………………(kode jabatan : ……….).
Sebagai bahan pertimbangan Bapak/Ibu, bersama ini Saya lampirkan :
1. Foto copy Ijazah terakhir beserta transkripnya yang telah dilegalisir masing-masing 1 (satu) lembar,
2. Pas photo ukuran 3×4 cm sebanyak 4 (empat) lembar,
3. Foto copy Kartu Pencari Kerja (AK. I) yang telah dilegalisir sebanyak 1 (satu) lembar.
Demikian permohonan ini disampaikan, besar harapan Saya kiranya Bapak/Ibu dapat mempertimbangkannya, sebelum dan sesudahnya diucapkan terima kasih.
Hormat Saya,
Ttd
XXXXXXXXXXXXXXX
Catatan :
Kode Jabatan dapat dilihat pada pengumuman
Semoga berguna dan bermanfaat…


Marketing/Sales/Kurir
Jakarta 20 Desember 2006,


Kepada Yth,
HRD Manager
PT. KURIR EKA CEMERLANG
Jl. IR. H. Juanda 12 A
Jakarta Selatan

Perihal : Lamaran Pekerjaan

Dengan hormat,

Bersama ini saya sampaikan keinginan saya untuk melamar pekerjaan sebagaimana dimaksud dalam iklan lowongan pekerjaan di harian Pos Kota tanggal 18 Desember 2006.

Pendidikan terakhir saya di SMA Negeri 204 Jakarta Selatan telah diselesaikan pada tahun 2004. Saya memiliki kendaraan sendiri (sepeda motor), dan telah mempunyai SIM C dan A.

Dalam surat lamaran ini saya lampirkan 1 (satu) lembar Daftar Riwayat Hidup beserta Surat Keterangan Berkelakuan Baik dari Kepolisian dan Ijazah terakhir untuk dijadikan bahan pertimbangan selanjutnya.

Besar harapan saya, agar bapak/ibu bersedia meluangkan waktu untuk wawancara, sehingga saya dapat memperkenalkan diri secara lebih baik dan terperinci.

Atas perhatian bapak/ibu, saya ucapkan terima kasih.

Hormat saya,



Eddy Syamsuddin



Lampiran:

1 lembar Daftar Riwayat Hidup
1 lembar salinan Surat Keterangan Berkelakuan Baik
1 lembar salinan Ijazah terakhir
3 lembar pas foto terakhir ukuran 4 x 6


DAFTAR RIWAYAT HIDUP
Curriculum Vitae






Data Pribadi / Personal Details

Nama / Name : ..................................................
Alamat / Address : ..................................................
..................................................
..................................................
Kode Post / Postal Code : ..................................................
Nomor Telepon / Phone : ..................................................
Email : ..................................................
Jenis Kelamin / Gender : ..................................................
Tanggal Kelahiran / Date of Birth : ..................................................
Status Marital / Marital Status : ..................................................
Warga Negara / Nationality : ..................................................
Agama / Religion : ..................................................


Preferensi Pekerjaan / Job Preference

Bidang Pekerjaan yang diminati :
Career Interest
Gaji yang dikehendaki : Rp.
Expected Salary
Ketersediaan waktu : • Senantiasa tersedia
Availability • Setelah tanggal : ......../........./.........
• Selama : ........ bulan








Riwayat Pendidikan dan Pelatihan
Educational and Professional Qualification

Jenjang Pendidikan :
Education Information
Periode Sekolah / Institusi / Universitas Jurusan Jenjang IPK
-



Pendidikan Non Formal / Training – Seminar

1.
2.
3.
4.



Riwayat Pengalaman Kerja
Summary of Working Experience

1
Tahun :
Instansi / Perusahaan :
Posisi :
Penghasilan Terakhir :
Job Deskripsi :
2
Tahun :
Instansi / Perusahaan :
Posisi :
Penghasilan Terakhir :
Job Deskripsi :
3
Tahun :
Instansi / Perusahaan :
Posisi :
Penghasilan Terakhir :
Job Deskripsi :


4
Tahun :
Instansi / Perusahaan :
Posisi :
Penghasilan Terakhir :
Job Deskripsi :

Kecakapan Berbahasa
Language Proficiency

No Bahasa Kemampuan
Membaca Menulis Berbicara Mendengar







Kesimpulan / Executive Summary
(Penjelasan singkat mengenai kualifikasi, kemampuan dalam pekerjaan, dan data personal lainnya)










Demikian CV ini saya buat dengan sebenarnya.





(......................................)

ARTIKEL/BERITA

Berita jeung Artikel Basa Sunda:’

BINGUNG MILIH PIGUPERNUREUN
Ku Cécép Burdansyah
IWAL ti jalma partisan nu moal bingung milih pigupernureun mah. Engké, 13 April téa, pan urang Jawa Barat rék pésta démokrasi, milih gupernur. Nu munggaran da langsung rahayat nu milihna gé.
Tah, ari keur jalma anu non partisan mah, puguh matak bingung. Milih nomer hiji, sidik apan siga kieu karasana. Atuh milih nomer dua jeung nomer tilu, can karuhan leuwih eucreug. Malah boa…
Kitu mungguh keur rahayat anu non partisan, anu henteu déngdék ka si itu déngdék ka si éta. Malah boa tampolana kalah ka golput. Dina prungna poéan nyoblos téh, batan indit ngamangpaatkeun hakna, boa ngadon ngagojod héés. “Laahhhhh da moal aya pangaruhna,” kitu meureun pibasaeunana keur jalma anu cul laur mah. Jalma anu mumul milu partisipasi kana urusan pulitik.
Mun téa mah tina 27 juta nu milih heug golputna nepi ka leuwih ti 30 persén, komo leuwih, beu, sigana angen-angen KPU Jabar sangkan Pilkada Jawa Barat jadi barométer pilkada di Indonésia, moal boa ukur ngimpi. Biheung kana tinekanan.
Atuda kumaha waé ogé jumlah partisipasi warga nu ngagunakeun hakna, éta téh enas-enasna mah baris jadi ukuran. Ngukur kualitas pilkada téh salila ieu mah leuwih nekenkeun kana minimna paripolah curang. Padahal mun pilkadana jujur, ari golputna 50 persén mah, nya sarua wé kateuteuari.
Siga di Jakarta, basa Pilgub ngabenkeun Adang Daradjatun jeung Fauzi Bowo, leuwih ti 30 persén rahayatna golput. Jadi mun Jawa Barat hayang jadi barométer, salian ti para calon jeung usung ésangna kudu jalujur, golputna ulah nepi ka mapakan DKI, komo nepi ka ngaleuwihan mah.
Umumna, KPU nu sok kateumbleuhan mun dina Pilkada golputna satambruan. Pajar téh kurang sosialisasi alias kurang ngiberan ka kumna balaréa yén aya program. Padahal anu garolput téh, gegedéna mah lain hartina teu apal kana ayana pilkada.
Jadi naon atuh?
Nya tadi téa, moal jauh ti bingung, kudu milih saha. Lain, lain lantaran nu rék dipilih nu itu batur nu ieu deungeun-deungeun. Da sidik lain sasaha, urang Sunda kabéhanana gé. Ngan lebah nyaah ka rahayatna, pangpangna nyaah ka urang Sunda, puguh nu matak bingung téh. Da kumaha waé ogé atuh, enya gé di Jabar loba deungeun-deungeun nu bubuara, tapi meureun urang Sunda-na mayoritas kénéh.
Nyaah ka Sunda téh tangtuna gé nyaah ti mimiti kana pangabutuh dasarna nepi ka budayana. Pangabutuh dasarna nya karaharjaanana; ti mimiti maliré ékonomina, sakolana, kaséhatanana, kaamananana, jeung sagala kaperluan umum samodél jalan, jambatan, irigasi, listrik, kum teu di kota teu di lembur kudu walatra kacumponan. Malah mun bisa mah hotspot (aksés jaringan internét) anu ngahontal nepi ka lembur anu pangjauhna ti kota, katedunan deuih. Pan jadi modéren tah Jawa Barat téh.
Bérés soal pangabutuh dasar, prak kana budayana, henteu cul laur siga nu enggeus-enggeus. Atuda ayeuna mah aya ge Perda nu eusina amanat sangkan ngamumulé basa jeung budaya Sunda, ukur réngkolna waé, amanatna mah teu dilaksanakeun. Malah nu puguh mah matak pikanyerieun.
Contona kasus Kapala Disbudpar Idjudin Budhyana nyapirakeun Féstival Drama Sunda anu diayakeun ku Téater Sunda Kiwari. Éta féstival anu lilana ampir sabulan téh, ti awal Fébruari nepi ka 1 Maret, kalah ka dikékéak ku Kapala Disbudpar Ijudin Budhyana.
Disebut kemasanana butut, judul jeung téma teu aktual tur teu kréatif. Nyeceléh kitu téh dina media massa. Padahal téh kapasitasna lain kritikus, malah boa nongton gé tara. Ironisna éta festival, sakanyaho mah, saban poéna tara towong ku nu lalajo, sakitu ditikét sapuluh rébu gé. Atuh salahsahiji témana, sakumaha naskah anu kabaca, Jeblog beunang Nunu Nazarudin Azhar, sakitu hadéna. Malah aktual jeung sok jadi berita dina media, antarana soal korupsi jeung téroris.
Nu écés mah polah kitu téh nyeceléh tanpa dasar arguméntasi. Padahal, mun nilik kana kapasitasna minangna Kapala Disbudpar, kuduna mah ngabagéakeun, kilangbara atuh ngawaragadan. Kakara kedal ménta hampura jeung rék mantuan sanggeus diraréntog ku para seniman di Rumentang Siang, poé Kemis 28 Fébruari. Tah polah pajabat siga kitu téh kumaha wae ogé ngébréhkeun pamingpin ti nu pangluhurna. Siga kitu tah bélana kana budaya Sunda téh.
Eta kakara hiji conto. Mun dipérélékeun mah kumaha cul laurna pamingpin urang kana budaya Sunda, sigana kalah matak leuwih peurih.
Ngan sigana calon nomer dua jeung nomer tilu gé, sarua matak hamham jeung melang. Mun nomer hiji geus karasa peuheurna, boa nomer dua jeung tilu leuwih pait. Éta mun nilik tina track record alias rekam jejak bin tapak lacak kana budaya Sunda. Ari kana basilat mah memang can kadéngé, kasebut hérang canémbrang kénéh, ngan lebah nyaah kana budaya Sunda mah tetep asa matak keueung, da teu kungsi katoong ti anggalna téa.
Jadi sigana, keur rahayat nu beunta mah, bakal meredih ka pigupernureun téh kudu nu enya-enya bisa ngangkat darajat rahayatna ku cara nyumponan pangabutuh dasarna. Cindekna mah urang Jawa Barat téh dijelemakeun. Kaduana, nyaah kana budaya urang Sunda. Tangtu waé para calon gupernur téh bakal ngararampa, nu kumaha atuh nu kasebut nyaah kana budaya Sunda téh? Cik kuring hayang nyaho. Kitu meureun éta tilu calon téh malik nanya. Ah teu hésé saenyana mah, kari daék ancrubna, daék bobolokot, ulah bauan, ulah pilih kasih, jeung ulah ngandelkeun ti jalma-jalma anu resep muji tur lélétak. Nu kudu didangu mah malah jalma jalma anu sok ngiritik. Budaya kritik kudu jadi tatapakan pikeun maju, sabalikna kudu ngajauhan budaya muji, sabab nu kitu nu matak picilakaeun mah.
Ayeuna mah urang tingali wé dina prakna kampanyeu engké, ti tanggal 27 Maret nepi ka 9 April. Naon waé eusi kampanyeuna. Bisa karampa ku urang gé, mana nu ukur jangji semet lalambé, mana nu jeung haté, jeung urang gé bisa nyatet mana kampanyeu anu ngawang-ngawang ukur ngimpi, jeung mana kampanyeu anu realistis tur puguh titincakanana. ***
Tina Majalah Mangle No. 2160

CARPON BASA SUNDA

Bulan Wanci Sareupna
Kategori: Carita Pondok » Dibaca: 7.971 kali » Dilebetkeun: 01-01-2008
Carita Pondok Dadan Sutisna
Bulan beuki pias di awang-awang. Ukur dibaturan ku tilu béntang anu tingkariceup. Geus teu kadéngé deui gebyurna lambak. Geus teu kaciri deui runggunukna pilemburan jeung ngamparna pasawahan. Bieu, pabuburit, kapal geus miang ninggalkeun palabuan. Ninggalkeun salaksa katineung di ditu, di bali geusan ngajadi.
Nya danget ieu pisan, lembur téh kari waasna. Sampalan pangangonan, pasir eurih pamikatan, jalan satapak ka mumunggang, boa moal kasampeur deui. Enya, biheung bisa balik ka lemah karuhun, tur geus dikayidkeun pamohalan balik deui.
Asa cikénéh, tur asa detik bieu pisan, kuring nénjo marakbakna kembang samoja di pipireun imah. Tangkal samoja gigireun kuburan bapa, anu ku ema mah dipiara pisan. Malah saméméh ema ninggalkeun, nyusul bapa ka kalanggengan, ukur hiji anu diamanatkeun téh; pangmiarakeun tangkal samoja. Ayeuna, amanat ema téh kamomorékeun, lantaran kuring kaburu indit. Teuing saha nu bakal neruskeun miara éta tangkal samoja.
Indit téh éstuning taya kereteg ti méméhna. Teu boga niat ti anggalna. Malah henteu kungsi ngimpi-ngimpi acan. Isuk-isuk, basa kuring rék nyawang meletékna panonpoé nu baris maturan hirup kabeurangnakeun, Pa Érté ngaronghéap. Datangna teuing ti lebah mana, da ujug-ujug ngajanteng hareupeun. Katémbongna mani geus saged, beberengkes, bangun rék indit-inditan.
“Hayu atuh!” pokna.
“Hayu? Ka mana?” kuring kerung.
“Har, apan kamari geus dibadamian. Urang téh rék nyaba ka jauhna, ka alas peuntas. Urang nyiar kasenangan di ditu!”
“Asa kakara ngadéngé kuring mah?”
“Aéh-aéh, apan geus dibéjaan ti tangéhna ogé. Urang téh rék nyaba ka ditu. Matak harita bapa omat-omatan, sing loba ngumpulkeun bekel. Sing bisa ngajeuhjeuhkeun pakeun sarta ulah natambuh waktu. Bekel ieuh, kudu mawa bekel!”
“Kumaha atuh, da kuring mah teu boga nanaon?”
“Keun baé, kitu wéh. Buru-buru, bisi katinggaleun ku kapal!”
“Saha baé nu milu téh?”
“Loba. Geus taruluy batur mah!”
Mani asa rurusuhan indit téh. Asana mah, henteu mandi-mandi acan. Da éta, Pa Érté mani ngabebereg, henteu méré pisan témpo. Kuring nepi ka poho, henteu ngonci heula imah, henteu maraban domba, atawa nitipkeun pakaya jeung tangkal samoja ka nu aya di lembur.
“Keun baé da engké ogé aya nu ngurus!” cék Pa Érté sajeroning leumpang.
Nepi ka palabuan, enya baé geus ngagimbung loba jelema. Rombongan ti lembur kuring, misah di beulah wétan. Pa Kuwu, Pa Olot, Pa Lebé, Ulis Odang, Hansip Oding, Bah Wirya, katémbong keur ngabaredega. Panonna neuteup ka tengah jaladri. Bangun nu keur nyawang pikahareupeun.
Kapal anu rék mawa kuring – teuing ka mana, da Pa Érté can kungsi ngécéskeun – geus ngajugrug di basisir. Kapal anu nya badag nya jangkung, asa can kungsi manggih tandinganana.
“Geus kumpul saréréa?” cék Pa Lebé.
“Parantos sigana mah,” Pa Kuwu nu ngawalon téh.
“Hayu atuh urang indit ayeuna!”
Kabéh asup kana kapal. Dipingpin ku Pa Lebé. Tapi anéh, ari barudakna mah henteu sina milu. Kalah ka diantep ngajanteng di sisi basisir. Katémbongna, maranéhna bangun sedih naker. Loba nu carinakdak. Malah kadéngé lapat-lapat, aya nu ngahariring lagu Pileuleuyan. Euleuh, geuning aya nu maca tahlil sagala rupa.
Basa hatong kapal disada, asa aya nu ngajedud dina jajantung. Nya di basisir ieu pisan, saniskara katineung baris diteundeun, biheung kasampeur deui.
Nepi ka ayeuna, sajeroning nangtung dina dék kapal, kuring bingung kénéh. Rék ka mana ieu téh? Saenyana, éta pananya bisa ditepikeun ka Pa Érté, atawa ka saha baé. Ngan can aya waktu nu rinéh. Sabab kabéh ogé, keur anteng narangtung bari nyawang cai laut nu ririakan kasorot bulan nu beuki pias.
Nu ngajanteng di dék kapal téh, nu keur ngalamun kawas kuring, jumlahna teuing sabaraha urang. Ngajajar heuleut saméter. Kawas nu dikomando, leungeun maranéhna nangkeup harigu. Sorot panon ka jauhna, teu ngiceup-ngiceup.
Moal boa, ieu kapal keur nyuruwuk meulah jaladri. Gancangna teuing sakumaha, geus teu karasa.
Pa Érté ngajanteng pisan gigireun kuring. Teuing iraha jolna, da tadi mah anu ngajanteng lebah dinya téh Pa Olot. Asa manggih kasempetan pikeun nepikeun kapanasaran, Pa Érte gancang ditoél.
“Pa, rék kamana urang téh?”
“Engké ogé apal sorangan!” walonna bari henteu ngarérét-rérét acan.
Ngadéngé jawaban kitu mah, angger baé lebeng. Poékeun. Nya kapaksa baé, keur saheulaanan mah, dijawab ku sorangan. Dumasar kana sawatara kajadian harénghéng di lembur.
Bisa jadi, pangna Pa Lebé saparakanca ngajak miang téh, lantaran kaayaan lembur geus henteu pikabetaheun deui. Paceklik nu panjang. Kurang dahareun. Pagebug. Loba kasakit. Taneuh nu angar. Matak rungsing jeung henteu tingtrim. Enya ari nineungna mah, napel kénéh dina angen-angen. Tapi naon anu karasa ku kuring, moal bina jeung maranéhna. Miang ti lembur pikeun nyingkahan rereged. Ngan anu matak héran téh, boh Pa Lebé, boh nu séjénna, kawas nu mentingkeun sorangan. Naha ari anak pamajikan henteu dibawa, diculjeunkeun kitu baé? Saha nu ngurusna?
Kituna mah, aya alesan maranéhna indit ninggalkeun lembur ogé. Alesan anu ku kuring karasa jeung karampa. Méh kabéh anu ayeuna keur nangtung dina dék kapal, papada boga bangbaluh hirup. Ninggalkeun pasualan di ditu, di lembur. Pasualan anu nepi ka maranéhna miang ogé, biheung geus réngsé.
Kuring leumpang lalaunan. Mapay-mapay jajaran jelema-jelema anu keur narangtung nyawang jaladri. Kuring neuteup Pa Érté. Dina panon Pa Érté katara aya nu ngembeng. Boa manéhna keur ingeteun ka pamajikanana, da basa ditinggalkeun téh keur meujeuhna bureuyeung. Atawa inget ka anak anu keur meujeuhna kembang buruan. Kuring apal pisan, hirup Pa Érté ti baheula ogé henteu manggih kamarasan. Imahna nu nenggang di tungtung lembur, nu geus déngdék ka kénca alatan dihakan umur. Cék béja, ti barang rumah tangga Pa Érté hayang ngoméan éta imah téh. Keun bae panggung ogé, weweg-weweg atuh. Tapi tepi ka ayeuna ogé angger baé. Henteu robah, henteu kaganti golodog-golodogna acan. Kalah ka pamajikanana ririwit. Mindeng gering jeung kurang kasabaran, pédah hirup Pa Érté taya menyatna.
“Hésé geuning hayang ngawangun imah téh, Jang!” cék Pa Érté harita, hareupeun Pa Lebé.
“Cék kuring mah, jieun heula tihangna anu weweg!” walon Pa Lebé.
Enya, kawasna mah, pangna panon Pa Érté nepi ka ngembeng ogé alatan inget ka dinya. Inget ka imah anu henteu kungsi kaoméan.
Kuring ngaléngkah deui. Bagean Pa Olot ayeuna mah anu diteuteup téh. Sarua, sarua pisan, dina panonna aya nu ngembeng. Malah leuwih ngembeng ti panon Pa Érté. Naha Pa Olot téh inget ka budakna anu minculak ti batur? Enya, Pa Olot téh geus masagi dina dunya barana mah. Ngan sapopoéna teu weléh ngungun alum. Komo saprak Si Unéd mangkat rumaja mah. Si Unéd anu kakocapkeun sakola ka kota, mindeng nyieun masalah anu matak wirang Pa Olot. Komo apan, Pa Olot téh jadi jelema anu dipikolot, picontoeun urang lembur. Kari-kari ayeuna dikotoran ku kalakuan anak. Enya. Si Unéd anu sok mabok. Si Unéd anu – cék Pa Olot – jauh tina agama. Si Unéd anu kungsi ngagadabah Nyi Imas.
“Aing téh henteu bisa mingpin kulawarga. Henteu bisa ngalelempang paripolah anak!” kadéngé Pa Olot gegerendengan. Nyaritana bangun hanjelu naker. Kawas bijil tina haté nu pangjerona.
Kuring ngaléngkah deui. Pa Kuwu ayeuna mah anu diteuteup téh. Sarua, sarua pisan, dina panonna aya nu ngembeng. Malah katémbong geus aya nu ngalémbéréh. Nyarakclakan. Murag kana dék kapal. Naon anu dipaké sedih ku Pa Kuwu? Asana téh taya cawadeunana. Tur kuring henteu kungsi nyaksian Pa Kuwu meunang bangbaluh. Salila mingpin désa, asa taya codéka nanaon. Malah kapaké pisan. Enya, ari kabeungharanana mah misah ti batur. Imahna ngajengléng. Kakocapkeun bulan hareup mah rék meuli mobil. Pakayana nu lubak-libuk, cék manéhna sorangan, lain hasil idek-liher di balé-désa. Tapi meunang meres késang, ladang dug hulu pet nyawa. Kari-kari ayeuna, Pa Kuwu ogé milu indit jeung Pa Lebé. Naha henteu lebar ninggalkeun pakaya, ninggalkeun pamajikan bahénol, ninggalkeun kasugemaan hirup?
Naon anu keur diimpleng ku Pa Kuwu, henteu kabaca saeutik ogé. Tapi sanggeus sakitu lilana didagoan, Pa Kuwu méré jawaban. Kawas nu surti, kuring téh hayang nanya kitu.
“Di dinya moal apal, naon anu keur jadi kabingung. Sabenerna, ku di dinya ogé bisa dijawab. Bisa dirarasakeun. Naon anu ku di dinya dipaké handeueul satutas ninggalkeun lembur?” pokna.
“Kuring mah henteu boga nanaon, Pa Kuwu. Imah geus rék runtuh, sawah jeung tegal teu boga. Ukur hiji anu dipaké hanjelu téh, kuring geus ngamomorékeun amanat Ema, miara tangkal samoja!”
“Lain, aya kénéh sajaba ti éta,”
“Naon?” kuring dangah, neuteup Pa Kuwu nu paromanna angger, teu riuk-riuk, teu némbongkeun robahna semu.
“Pikiran baé ku sorangan!”
Lebeng. Henteu kapikir.
Bagéan Pa Lebé anu diteuteup téh. Sarua, sarua pisan, dina panonna aya nu ngembeng. Malah lain ngembeng deui, nyurulung mapay pipi, mapay beuheung, parat nepi kana sukuna.
Pa Lebé, kuring apal pisan. Lalaki anu sapopoéna teu weléh basajan. Imahna lebakeun tajug, ukur kahalangan tangkal jambu. Pa Lebé anu tara leupas ti kopéah jeung – sakanyaho – tara ninggalkeun istigpar. Nilik kahirupanana mah, Pa Lebé henteu kasebut bisa usaha. Malah tepi ka kiwari, hirupna angger nyorangan. Pamajikanana maot, sapuluh taun katukang. Ti harita, kawas henteu boga deui niat rarabi. Sapopoéna idek-liher di tajug. Mapagahan barudak nu hayang diajar ngaji.
Padahal, naon anu dipaké sedih pikeun Pa Lebé mah. Miangna ti lembur, asana mah henteu ninggalkeun kabeubeurat. Atawa melang ku tajug, bisi euweuh nu ngurus. Bisa jadi, ngan éta-étana anu dipaké hariwang ku Pa Lebé mah. Inggis taya nu bisa neruskeun tapak-lacakna.
Henteu kaburu bisa ngawangkong. Sabab lir dikomando deui, anu ngajaranteng dina dék kapal téh arasup ka jero. Tinggal kuring ngajanteng sorangan. Satadina mah rék nuturkeun, ngan asa betah kénéh. Sabab bulan anteng maturan peuting, najan sorotna beuki pias. Cai laut angger ririakan. Kapal terus ngabiur, ngabiur teuing ka mana.
***
Transmigrasi. Pindah ka alas peuntas. Néangan hirup jeung huripna. Di ditu, di tempat nu ayeuna rék dijugjug. Ukur éta anu aya dina ingetan kuring mah. Sabab rék ka mana deui, ari lain transmigrasi mah. Kawasna Pa Lebé saparakanca kapincut ku dongéng Mang Satibi baréto. Puluhan taun ka tukang, Mang Satibi kungsi indit ninggalkeun lembur. Anu séjénna mah, harita, kalah ka tingbirigidig diajak nyorang sagara téh. Ngan Mang Satibi anu beunang disebut nékad. Inditna kadua pamajikan. Henteu mawa bekel nanaon. Heuleut lima taun ti harita, Mang Satibi nganjang deui ka lembur. Terus ngadongéng, kumaha senangna di alas peuntas. Cék dongéng Mang Satibi, di ditu téh manéhna geus bisa nyieun gedong, meuli motor, meuli sawah jeung tanah. Padahal pagawéan sapopoéna mah henteu hésé, ukur ngurus kebon sawit.
Pasti. Pa Lebé saparakanca, kaasup kuring, rék transmigrasi. Rék ngarobah hirup di ditu, di alas peuntas. Eukeur mah kaayaan di lembur geus teu pikabetaheun, katurug-turug kawasna mah ingeteun kana dongéng Mang Satibi téa.
Ngan anéhna, nu aya dina kapal, bet henteu nyaritakeun kaayaan di ditu, di tempat nu rék dituju. Kalah ka patingharuleng bangun ngadadak manggih kabingung. Malah aya ti antarana anu nepi ka luh-lah, kawas peunggas harepan. Ilaharna mah, lamun rék nyanghareupan kabagjaan – sebut baé kahirupan di alas peuntas téh kabagjaan – lain ngeluk tungkul siga nu bingung. Malah sakuduna béar marahmay. Taya salahna sapanjang jalan gogonjakan, seuseurian, patingcakakak sangeunahna.
Enya, kaayaan di jero kapal téh kalah matak sareukseuk. Di ditu, di dieu, pinuh ku nu ngadon ngalamun. Taya nu katangén ngobrol ngalér-ngidul. Taya nu katémbong melenyun udud. Maranéhna kawas nu jongjon jeung dirina séwang-séwangan.
Kapal téh terus nyemprung meulah jaladri. Geus henteu kadéngé sorana, awahing ku tarik. Ngan anéhna, geus mangbulan-bulan, henteu nepi baé ka nu dituju. Kalah ka pengeusi kapal lir nu beuki tagiwur. Beuki anteng ngalamun. Beuki jongjon jeung dirina séwang-séwangan.
“Rék iraha nepina ieu téh?” kuring nanya ka Pa Olot. Tapi ditanya ngadon ngeluk, bari kapireng sorana inghak-inghakan.
“Ku naon Pa Olot?”
Henteu ngajawab.
Nyampeurkeun Pa Érté, sarua henteu ngawalon. Komo ari Pa Kuwu mah. Hansip Oding, Ulis Odang, Bah Wirya, sarua ngabaretem.
Kapal angger nyemprung, teuing rék iraha eureunna.
Pangeusina geus loba nu inghak-inghakan. Malah terus careurik patarik-tarik. Ngaguruh sapangeusi kapal. Kuring bingung pipetaeun, naha kudu milu ceurik? Tapi kapal angger nyemprung. Angger teu soraan. Kuring kukurilingan, ka rohang nahkoda. Tapi taya sasaha. Kapal maju ku sorangan. Kawasna, nahkodana ogé keur milu ceurik.
Teuing meunang sabaraha bulan, maranéhna ceurik téh. Lila-lila, tina ceurik téh, jadi patinggorowok patarik-tarik. Kaasup Pa Érté, Pa Lebé, Pa Kuwu, jeung nu séjénna.
“Hayang balik deui. Gancang balik deui!” pokna.
Tapi kapal henteu eureun. Jajauheun nepi malik arahna. Asa ketir nénjo kitu mah. Kaasup kuring bet hayang balik deui. Sabab asa aya nu tinggaleun di lembur téh. Enya, asa aya nu tinggaleun.
“Moal, karah kumaha ogé, anjeun moal bisa balik deui!” aya sora ti gigireun, basa kuring keur nangtung ngumbar katineung dina dék kapal. Sora anu agem. Tur kuring kakara ngadéngé sora sakitu agemna. Basa dilieuk, aya nu maké baju sarwa bodas ngajanteng.
“Saha anjeun?”
“Pangeusi ieu kapal!”
“Enya, tapi naha bet nyampeurkeun kuring?”
“Pédah wé, katémbongna siga nu bingung!”
“Naha anjeun henteu milu ceurik?”
“Naon nu perlu diceungceurikan?”
“Itu geuning batur mah …”
“Enya, maranéhna ceurik hayang balik deui ka lembur. Sadetik wé cenah. Aya nu tinggaleun di ditu!”
“Kabéh aya nu tinggaleun?”
“Enya!”
“Kaasup kuring?”
“Bisa jadi!”
“Ké, ari ieu kapal téh rék kamana? Geuning henteu nepi baé?”
“Engké ogé bakal nyaho!” pokna bari terus ngaléos.
Kuring ukur bati ngahulengna. Asa teu kaharti. Nu gogorowokan beuki tarik. Sora Pa Kuwu mani pangtarikna.
“Hayang balik deui!” cenah. Enya, dipikir-pikir mah, kuring ogé asa aya nu tinggaleun. Pamustunganana mah sapamadegan jeung maranéhna : hayang balik deui.
Tapi kapal terus nyemprung. Teu beunang dieureunkeun. Kalah cimatana pangeusina terus maruragan. Ngamalir dina dék-dék kapal. Terus ngeyembeng. Beuki loba. Beuki pinuh. Pamustunganana kapal déngdék pinuh ku cimata. Terus déngdék. Pangeusina patingkocéak. Kuring hareugeueun. Kapal beuki tilelep. Saméméh karem, kuring bisa kénéh neuteup bulan nu beuki pias …
Saung Pangreureuhan, 2000